“Дэлхийн мисс” тэмцээнд эх орноо төлөөлөн оролцож буй А.Бөртэ-Үжин “Авьяаслаг мисс” шалгаруулалтад тэргүүлсэн талаар бид өмнө нь мэдээлсэн.
Энэ жил 70 дахь удаагаа зохион байгуулагдаж буй Дэлхийн мисс шалгаруулах тэмцээний эцсийн шатны шалгаруулалт 2021 оны арванхоёрдугаар сарын 16-нд АНУ-ын Пуэрто Рико аралд болох ёстой байсан ч тодорхойгүй шалтгаанаар хойшилсон байна.
Энэ талаарх мэдэгдлийг эх орноо төлөөлөн тус тэмцээнд оролцож буй мисс А.Бөртэ-Үжин өөрийн цахим хуудаснаа нийтлэжээ.
Тэрээр “МЭДЭГДЭЛ
“Дэлхийн мисс 2021” тэмцээний оролцогчид, ажилтнууд, багийнхан болон олон нийтийн эрүүл мэнд, аюулгүй байдлын үүднээс Пуэрто Рикод болох финалын тоглолтыг түр хойшлууллаа.
Финалын тоглолтыг Пуэрто Рикогийн Coliseum Jose Miguel Agrelot цэнгэлдэх хүрээлэнд ирэх 90 хоногийн дотор дахин товлох болно.
САН ХУАН, Пуэрто Рико – Дэлхийн мисс 2021 тэмцээнийг хянах вирус судлаач, эмнэлгийн мэргэжилтнүүдтэй уулзаж, Пуэрто-Рикогийн Эрүүл мэндийн газартай ярилцсаны дараа арга хэмжээг зохион байгуулагчид Пуэрто Рико дахь дэлхий даяар цацагдах финалыг хойшлуулах шийдвэр гаргажээ.
Өчигдрийн байдлаар тайзан дээр болон хувцас солих өрөөнд эрсдэл нэмэгдэж, эерэг тохиолдлууд батлагдсан тул тэмцээнд оролцогчид, ажилтнууд, үзэгчдийн аюулгүй байдалд нэмэлт арга хэмжээг авч хэрэгжүүлсэн.
Эмнэлгийн мэргэжилтнүүд ийм нөхцөл байдалд нэн даруй хорио цээрийн дэглэм барьж, ажиглалт, шалгалт хийх шаардлагатай гэж үзэж байна.
Тэмцээнд оролцогчид болон ажилтнуудыг эрүүл мэндийн ажилтан, зөвлөхүүд зөвшөөрсний дараа эх орон руу нь буцаана.
“Дэлхийн миссийн титмийн төлөө өрсөлдөхөөр оролцогчдоо эргэн ирэхийг бид маш их хүлээж байна” гэж Miss World Ltd компанийн захирал Жулиа Морли хэллээ. Пуэрто Рико нь Дэлхийн мисс-д аюулгүй орчинг амлаж байна” гэжээ.
