Зохиолын дууны ертөнцөөр төрсөн цөөн хосуудын нэг бол дуучин О.Төрмандах, түүний эхнэр О.Гансувд нар юм.
Тэд анх “Минийлээ хөөрхөн үрс”, “Жаргалтай үрсийн дуулал”, “Амьдрал хайр дээр тогтдог” зэрэг хамтын уран бүтээлүүдээ түмэн олондоо хүргэж “Хос ертөнц” нэртэй анхны хамтарсан тоглолтоо 2019 онд хүргэсэн билээ.
Хамтын амьдралаа эхлүүлээд 13 жил болсон тэд өнөөдөр халуун орныг зорьжээ. Энэ тухайгаа дуучин Э.Гансувд “Халуун орноор ханьтайгаа сайхан аялаад ирье” хэмээн бичсэн байна.
Дуучин Э.Төрмандахын эхнэр дуучин О.Гансувдыг анх нүцгэлсэн клипээр нь олон нийт таньдаг болсон гэхэд хилсдэхгүй. Хэл ам дагуулсан клипээсээ хойш нам гүмхэн суусан дууч бүсгүй нөхөртэйгээ хослон дуулж олонд нэр хүндтэй болсон юм.
Э.Төрмандах удам дамжсан дуучин. Түүний эхнэр ч мөн адил удам дагасан урлагийн хүн аж. О.Гансувд Увс аймгийн Тэс сумынх.
Ардын дууч Д.Бурмаа түүний авга эгч гэнэ. Гансувдын аав Олзод Увс аймгийн сайн дуучдын нэг. Гурван ч удаа аймгийн аварга дуучин болж байжээ.
Хосууд их СУИС-иас хайрын романсаа эхлүүлж байв. Э.Төрмандах хайрынхаа тухай, СУИС-ийн нэгдүгээр курсийн оюутан байхдаа Дэлгэрхангай сумандаа тоглолт хийхээр дуулаачийн ангийн оюутнууд дагуулж явахаар болж.
Ийн оюутнууд цуглуулж байхдаа Төрмандах СУИС-ийн хоёрдугаар давхрын шатан дээр дээд ангийн оюутантай таарч, Дэлгэрхангай сум руу явах уу гэж асуусан нь О.Гансувд аж. Тэд Э.Төрмандахын сум руу тоглолтоор явахдаа танилцаж дотноссон хэмээн хуучилжээ.
