Харизматай хүмүүсийг тэдний нүдэнд нь гэрэлтэх гал, өөртөө итгэлтэй инээмсэглэж буй нүүрэнд нь тодрох инээмсэглэл болон яг нарийн тодорхойлж чаддаггүй тэдэнд татагддаг тийм нэг шинж чанараар таньж болно.
Тэгвэл яг энэ шинж чанараараа олонд танигдаж, улс төр бизнесийн карьераа олж авсан хүн бол Гадаад хэргийн сайд асан Д.Цогтбаатар. Монголын хамгийн том групп болох MCS группээс “гаралтай” тэрээр хаана ч явсан нүүрэндээ эрхэмсэг хийгээд инээмсэглэлийг тодруулж явдаг. Энэ бол түүний харизмын онцгой шинж чанар гэж хэлэхэд буруудахгүй болов уу.
Харизмаа инээмсэглэлээрээ илэрхийлдэг тэрээр энэ жил 52 нас хүрч буй.
Судалгаануудаас үзэхэд энгийн хүмүүс инээмсгэлсэн харизматай хүмүүст илүү чин сэтгэлээсээ ханддаг бөгөөд бүр тэдэнтэй ойр дотно байж, гэрээ хэлэлцээр хийхэд бэлэн байдаг гэдэг.
Сонирхуулахад, Британий профессор, сэтгэл зүйч Ричард Вайзмэний хэлэхдээ “Харизма бол хүчтэй нөлөөлөл тогтоодог чадвар. Хүмүүс харизматай хэн нэгний нүүрний хувирал, биеийн хэл дохио зангааг даган дууриахыг байгалаасаа хүсдэг. Харизматай хэн нэгнийг харахдаа анзааргагүйгээр тэдний биеийн хэл болог үйл хөдлөл байгаа байдлыг дуурайж эхэлдэг” гэжээ.
Хамгийн ойлгомжтой жишээ бол хэн нэгэн таньруу хараад инээмсэглэхэд та эргээд чин сэтгэлээсээ баярлаж инээмсэглэдэг. Хэдийгээр тэд таныг аз жаргалтай болгож байгааг та мэдрэх боловч, тэр хүнийг дагаж дуурайж байгаагаа та ухаардаггүй.
