Монголын тайз, дэлгэцийн урлагийн залуу үеийн төлөөлөл УДЭТ-ын жүжигчин Г.Амгаланбаатар саяхан Монгол улсын гавьяат жүжигчин цолоор энгэрээ мялаасан.
Жүжигчин залуугийн хувьд өдгөө 44 нас зооглож буй бөгөөд хоёр хүү ганц охинтой. Том хүү нь энэ жил 23 нас хүрч буй бол дунд охин нь 12 настай. Харин бага хүү нь гурван настай.
Тэгвэл тэрээр өөрийн цахим хуудаснаа “Халуун бүлээрээ” хэмээн гэр бүлийнхээ зургийг дэлгэжээ. Түүний эхнэрийг Оюунжаргал гэдэг.
Герман хэлний орчуулагч мэргэжилтэй бүсгүй. Тэд өсвөр насандаа буюу дөнгөж 15, 16 настайдаа танилцаж үерхэн 18 настайдаа гэр бүл болж байжээ.
Жүжигчин залуугийн хувьд УДЭТ-т багшлахын хажуугаар СУИС-д мэргэжлийн ур чадварын хичээл заадаг аж.
