Улс төрч Ё.Отгонбаярын сэтгүүлчдийг дарамталсан баримт өчигдөр сошиалд дэлгэгдэн, “өндөрөө авав”. 
Түүнийг ийнхүү бухимдуулах болсон шалтгаан нь ээлжит эхнэр Ш.Батнасангийн хувьцаа эзэмшдэг компани Хөгжлийн банкинд 17.7 тэрбум төгрөгийн өртэй бөгөөд найдваргүй зээлдэгчдийн жагсаалтад байгааг сэтгүүлчид дэлгэн тавьсантай холбоотой.
Түүний авсан авааль гэргий болгон нь их хэмжээний мөнгө угаасан, эсхүл найдваргүй зээлдэгч болж буй нь дээрх асуудлыг цаана Ё.Отгонбаяр өөрөө байдаг юм биш байгаа гэх хардлагыг төрүүлээд буй юм.
Ё.Отгонбаярын эхнэр Ш.Батнасангийн хувьцаа эзэмшдэг компани Хөгжлийн банкнаас зээл авсан цаг хугацаа, Ё.Отгонбаярын Ш.Батнасантай гэрлэсэн жилтэй давхцаж байгаа ч тэрээр уг зээлд нөлөөлөөгүй гэдгээ удаа дараа мэдэгдээд буй. Тэрээр “Тэр хүний эгчтэй нь би 2018 онд гэрлэсэн юм. Тэгээд би суухдаа ах дүү чинь зээлтэй юу гэж асуух ёстой байсан юм уу бүү мэд” хэмээн уцаарлангүй бичжээ.
Гэвч хөгжлийн банкны найдваргүй зээлдэгч “Мондулаан трейд ХХК”-тай Ё.Отгонбаярын эхнэр, хадмууд тэр чигээрээ холбоотой нь баримттай юм.
Дашрамд дурдахад сайд асан Ё.Отгонбаярын экс эхнэр О.Эрдэнэсолонго их хэмжээний мөнгө угаасан байж болзошгүй хэрэгт 2013 онд холбогдож, энэ хэрэг яасан нь мэдэгдэхгүй замхарсан.
Харин үүний дараахан Ё.Отгонбаяр 27 жил ханилсан эхнэрээсээ салж, Нүүдэлчин группийн хүргэн болж, өнгөрсөн хугацаанд АНУ-д консулаар ажиллаж байсан билээ.
