Яруу найрагч Ү.Хүрэлбаатар хэвлэл мэдээлэл, боловсрол, шинжлэх ухаан, соёл урлаг, утга зохиол зэрэг олон салбарт танигдан хүндлэгдсэн нэгэн.
Тэрээр ард түмний амны уншлага аялгуу болсон олон хит дууны шүлгийг зохиосон билээ. МУГЖ Б.Сарантуяагийн “Хайрын бурхан”, “Супермэн”, “Хэн юм бэ”, МУГЖ Т.Ариунаагийн “Нарны хаан хүүхдүүд”, “Мартахгүй”, “Харанга” хамтлагийн “Сар шиг хол нутаг”, “Хайрын дээд хань минь”, МУГЖ Амаржаргалын “Амин нүдэн”, “Үггүй хайр” гээд үеийн үед дуулагдаж яваа олон дууны шүлгийг бичсэн. Яруу найрагч Ү.Хүрэлбаатарыг 500 дууны үг бичсэн гэх юм билээ.
Дууны шүлгийн талаар бол Ү.Хүрэл¬баа¬тарыг гүйцэх хүн байхгүй хэмээн “Харанга”-ын Чука түүнийг магтсан удаатай. Урлагийнхан Хүрлээ ахын шүлэг их гоё гэж дууг нь дуулахаар уралддаг гэх юм билээ. Тэр тусмаа хайрын дууны шүлгийн мастер гэдэг.
Хэвлэл мэдээллийн төдийгүй шинжлэх ухаан, боловсролын салбарт жинтэй хувь нэмрээ оруулж яваа яруу найрагч, МУСГЗ Ү.Хүрэлбаатар бүтээлүүдээ гэргийдээ зориулдаг гэсэн.
Түүний гэргийг Л.Эрдэнээ хэмээх хөөрхөн эмэгтэй бий. Тэд дундаасаа гурван хүүхэдтэй бөгөөд 40 гаруй жил ханилж буй юм.
Энэ тухайгаа эрхэм зохиолч Үржингийн Хүрэлбаатар гуай цахим хуудаснаа дурсахдаа “ГЭРГИЙДЭЭ, бид хоёр ханилан суугаад дөчин нэгэн намрын жимс жимслэхийг үзэв. Намар намрын цэцэгсийн үнэрт согтуурч найргийн зэрэглээнд зээрд халзан унаган зэл татаж зэндмэнэ сүмбэр уулсыг бүтээж зэргийн олон нөхдийнхөө дунд итгэлийн туг мандуулж эрмэг зоримог амьдарч явна даа” хэмээн бичсэн удаатай.
