Монголчуудын хамгийн ихээр үзэх дуртай телевизийн контентээр тодроод буй “The Voice Of Mongolia” шоуны өмнөх улиралуудын шүүгч асан С.Ононбатыг өдгөө танихгүй хүн үгүй.
Түүнийг Монголын рок, поп урлагийн загалмайлсан эцэг гэхэд хилсдэхгүй. Учир нь түүнтэй хамтарч ажиллаагүй, түүний “On”n Off” продакшнаар клипээ хийлгээгүй хамтлаг, дуучид тун цөөн.
Гэр бүл хувийн амьдралаа тэр бүр олон нийтэд дэлгээд байдаггүй С.Ононбатын гэргийг Т.Нансалмаа гэдэг бөгөөд уншигчид маань “Mongolian next top model” нэвтрүүлгийн шүүгч гэдгээр нь илүүтэй мэдэх биз. Тэрбээр FM-д ярилцлага өгч байх үеэрээ гэргий Т.Нансалмаадаа анхны харцаар дурлаж байсан гэдэг. Тэд анхны болзоогоороо дуучин Т.Ариунаагийн тоглолтыг үзэж байжээ.
Нэгэн ярилцлагандаа С.Ононбат хайртай эхнэрийнхээ тухай өгүүлэхдээ 
“Эхнэрийнхээ юунд нь болсон бэ гэж бүгд асуудаг. Бүх юманд нь гэж би хариулдаг. Уурласан ч, алдсан ч, гунигласан ч ер нь бүх үедээ гоо үзэсгэлэнтэй цорын ганц минь. Анх харсан, хоолойг нь сонссон мөч хамгийн том бэлэг байсан. Түүнээс хойш өдөр бүхнийг минь бэлэг болгож нүд, сэтгэл, амьдрал бүхний утга учир оруулж, гийгүүлэн байгаа жаахан охин-миний хүчирхэг эхнэр” гэжээ.
