Охидын хамтлаг болох “Эмоушн” хамтлагаар овоглож явсан дуучин Т.Солонго буюу Соко уран бүтээлээсээ хөндийрөөд удаж буй.
Хамтлагийнхантайгаа Америкийг зорьсон тэрбээр ээжийгээ асрахаар эх орондоо ирсэн гэдэг. Анхны амьдралаа өөрөөсөө олон насаар ах, ээжийнхээ шавьтай эхлүүлж байсан тэрбээр бүл нэмснийхээ дараагаар хоёр тийш болж байв.
Нэгэн хэсэг ганц бие ээжийн амьдралаар амьдарч явсан тэрбээр тэрхүү хугацаандаа “Хотын болзоо” бие даасан цомгоо гаргаж байв.
Гэвч хоёр дахь амьдралаа дахин эхлүүлж ихэр хүүхэд төрүүлсэн тэрбээр энэ өдөр Төрийн тэргүүнээсээ “Алдарт эх”-ийн хоёрдугаар одонг хүртжээ. Дуучин бүсгүй өнгөрсөн карантины үеэр ихэр үрстээ дүү төрүүлж өгснөөр ийнхүү “арын хаалгаар авдаггүй шагнал” гэх тодотголтой “Алдарт эх” одонг хүртсэн аж.
