Улс төрөөс ангид байхыг эрхэмлэдэг жүжигчин, дуучин П.Баярцэнгэл

“Universe Best Songs” тэмцээнээс төрөн гарсан дуучин П.Баярцэнгэлийг танихгүй хүн ховор. Сүүлийн үед дэлгэцийн уран бүтээлээр үзэгчидтэйгээ “уулзах” болсон түүнийг ТАС.МН сайт папараци дурандаа буулгасныг уншигч танаа сонирхуулж байна.
Жүжигчин мэргэжилтэй хэдий ч дуучин гэдгээрээ анхлан олонд танигдсан тэрбээр 2007 онд Дорнод аймагт арван жилээ төгссөн. Тухайн үедээ “Youtube”-ээс гаднын уран бүтээлчдийг үзэхээр дуучид нь жүжиглэдэг, жүжигчид нь дуулдаг илүү мэргэжлийн санагдсан учраас кино урлагт жүжигчнээр, “Nature Sound”-ийн Даашка студи сургалтын төвд дуугаа суръя гэсэн төлөвлөгөөтэй Улаанбаатарт ирсэн гэдэг. Гэвч тэрбээр тэмцээн уралдаан гэж явсаар дуучнаараа түлхүү ажиллажээ. Тэрбээр 10 гаруй дүр бүтээсэн бөгөөд их сургуулиа төгссөний дараа Драмын театрын Боогий /МУГЖ С.Болд-Эрдэнэ/-той Анчид гэдэг киноны гол дүрийг бүтээжээ. Түүнээс хойш “Нийслэл хүүхэн” цувралд тоглосон байна.
Сонирхуулахад, тэрбээр үргэлж зөөлөн сэтгэлтэй, зөв санаатай байхыг хичээдэг бөгөөд улс төрөөс хол байя гэж боддог гэнэ лээ. Энэ тухайгаа “Одоохондоо надад улс төрийн талаар хангалттай их мэдлэг байхгүй. Тиймээс улс төрийг илүү ихээр ойлгосныхоо дараа залуусын улс төрийн боловсрол руу хандсан чаддаг зүйл минь гарч ирвэл оролцоно гэж боддог” гэжээ.