Чингисхаан хамтлагийн дуучин АЖ Д.Жаргалсайханы дуулсан тамирчдын сүлд дуу болох “Тамирчны алдар” дуу өдгөө 34 настай. Өчигдөр болж өнгөрсөн “Тамирчдын өдөр”-ийн үеэр ардын жүжигчин маань тус дууг дахин дуулж, тамирчдынхаа сэтгэлийг тэнийлгэж цусыг хөөргөж, нүдний нулимсыг нь цийлэгнүүлж байсныг манай папараци дуран онцолжээ.
Гэвч уг дууны үнэн түүхийг мэдэх хүн ховор. Тус дууны эзэн нь МУГТ Нэргүйн Энхбат ажээ. Тэрбээр одоогоос 34 жилийн өмнө буюу 1988 оны аравдугаар сарын 2-нд боксын 60 кг-ын жинд олимпийн хүрэл медаль хүртэн, Монголын спорт, боксын түүхэнд шинэ хуудас нээж байжээ. Учир нь боксчдын олимпийн анхны медаль Сөүлийн олимпоос Монголын баг тамирчдын авсан цорын ганц медаль байснаараа хэзээд үнэлэгдэх нь одоо ч үнэ цэнэтэй. Тийм ч учраас спортынхны сүлд дуу болсон “Тамирчны алдар” дууг “Чингис хаан” хамтлагийн дуучин, Гавьяат жүжигчин Д.Жаргалсайхан түүнд зориулан зохиож байжээ.
Дэлхийн шилдэг боксчдыг бүгдийг нь илүүрхэн хожиж явсан Н.Энхбат үүнээс ч илүү амжилт гаргаж, олимп, дэлхийд түрүүлэх боломжтой байсан юм. Ид торгон иртэй үедээ буюу 23 настайдаа 1985 оны дэлхийн аваргад визний асуудлын улмаас өрсөлдөж чадаагүй бол 1984 оны олимпод социалист улсууд оролцохоос татгалзсанаар
онцгой чухал мөчлөгөө алдсан гэдэг.
Н.Энхбат булган сүүлтэй байж, Монголын боксчид өдгөө тив дэлхийд өөрсдийн нэрээ тамгалж буй. Үүх түүх,алдар гавьяа, үе үеийн “Тамирчдын алдар” дууны эзэн Н.Энхбат МУИС-ийг төгссөн, эдийн засагч мэргэжилтэй, Америкт олон жил аж төрж байгаад эх орондоо эргэн ирэн төвхнөөд байгаа гэнэ лээ.
