Гэр бүлийн асуудлаараа олны анхаарал татаад байсан “Хамар” Д.Ганболдын экс эхнэр шинэ компаниа байгуулжээ. Тэрбээр “Сайн уу 7 сар минь,
“Дэлхийн хүүхнүүд ч атаархмаар” гэх тэр амьдралаас гарч ирээд аль хэдийн нэг жил өнгөрчээ. Удаан юм шиг боловч хурдан өнгөрсөн энэ хугацаа сэтгэл санааны тэнхээг минь тултал шалгасан жил байлаа. Уналт, босолт, уур хилэн, үзэн ядалт, жүжиглэлт, гүтгэлэг, гайхширал, эрх чөлөө, аз жаргал гээд хүний мэдэрч болох олон мэдрэмжүүдийг мэдрээд авлаа.
Амьдралаас минь олон хүн холдож, олон ч хүмүүс орж ирж. Орчлонд муугаасаа илүү сайн хүмүүс нь олон байгааг харах үнэхээр сайхан байна. Юу ч болсон амьдрал цаашаа үргэлжилдэг хойно энэ хугацаанд өөрийн компаниа байгуулж, улсдаа НӨАТ-ын төлөгч болоод амжлаа.
Компаниа томруулах гээд ажиллаад завгүй өдөр хоногууд өнгөрсөөр. Босголцсон бүрээ орхин бүхнийг тэгээс эхлэх зориг, эргэж босох сэтгэлийн тэнхээ, эрч хүчийг хаанаас олов гээд бодохоор ээж аав маань тэр бүрийг надад өгчээ.
Чи бол үнэ цэнтэй, бидний хайртай эрхэм хүн, хайрлагдсан нандин эрдэнэ, маш их хайр дунд өссөн гэдгийг яс маханд минь багаас маань шингэтэл ойлгуулсан аав, ээжийн маань ач байжээ. Хайраар дүүрэн өсгөсөн тэдэндээ талархаад баршгүй нь.
Энэ эрчээрээ шилдэг татвар төлөгч болж, олон хүний амьдралд эерэгээр нөлөөлж яваарай гэж өөртөө ерөөмөөр байна” гэжээ.
