Дэлхийн гоо сайхны олимп гэгддэг “Дэлхийн мисс-2016” тэмцээнд оролцож явсан мисс, жүжигчин А.Баярцэцэг өдгөө 32 настай. Тэрбээр өөрийн цахим хуудаснаа “Зургийн баг маань намайг 30 гарсан харагдахгүй байна гэнээ” хэмээжээ.
Түүний хувьд олны танил миссүүд дундаа боловсрол өндөртэй, олон мэргэжилтэй гэдгээрээ бусдаас ялгардаг.
Тэрээр 2016 онд АНУ-ын Вашингтон хотноо болж, дэлхийн 119 орны гоо бүсгүйчүүд авьяас чадвар, ур ухаан, гоо үзэсгэлэнгээрээ өрсөлдсөн. Тус тэмцээнд эх орноо төлөөлөн оролцсон мисс А.Баярцэцэг Монгол Улсын түүхэнд байгаагүй амжилт гаргаж, шилдэг 11-т багтаж чадсан юм. Харин 65 дахь удаагаа зохион байгуулагдсан “Дэлхийн мисс”-ийн титмийг Пуэрто Рико улсын мисс Стефани Дел Валле хүртсэн байдаг.
Мөн тэрбээр үндэснийхээ бүжгийг бүжиглэн сонирхуулснаар авьяасын үзүүлбэрээрээ шилдэг аравт шалгарч чадсан билээ.
