Домогт Харанга хамтлагийн амин сүнс нь дуучин, гитарчин, хөгжмийн зохиолч Ц.Чулуунбат буюу Чука юм. Ц.Чулуунбат Харанга хамтлагийн олон хит дуунуудыг зохиосон бөгөөд, жишээ дурдвал Төрийн шагналт бүтээл болох “Үгүйлэн санана”, “Дөрвөн улирал” “Замд гаръя” зэрэг олон дуу бий.
Түүнчлэн, хайртай гэргийдээ зориулсан “Зуун зуун жил”,”Чамдаа дуулах дуу” зэрэг дуунууд нь сонсогчдын сэтгэлд хоногшсон дуунууд хэдийнээ болжээ.
Тэгвэл бид энэ удаад түүний хайртай гэргийг онцолж байна. Эрхэм ая зохиогч маань өнгөрөгч Үндэсний их баяр наадмаар гэргийтэйгээ наадмын талбайгаар саатан морилж явсныг папараци дуран маань онцолж байна. 
Тэдний хувьд хамтын амьдралаа эхлүүлээд 40 орчим жилийг үдэж буй бөгөөд дунд нь салж, нийлсэн гэх асуудал байсан гэдэг. Гэвч хайрын хүчээр эргэн амьдралаа нэгтгэж явсныг ойр дотныхон нь хэлдэг.
Сонирхуулахад, өдгөө 65 настай, Төрийн шагналт, Урлагийн гавьяат зүтгэлтэнгийн маань том хүү 40 гарсан эр байдаг гэсэн шүү.
