Монгол залуус дэлхийн өнцөг булан бүрт сурч, хөдөлмөрлөн эх орондоо ирж ихийг бүтээхээр шамдан ажиллаж байна. Тэдний нэг бол Сүхбаатарын Золбоо. Түүнийг “Золбоо тв” уoutube сувгаар нь олон хүн андахгүй.
Анх “уoutube” суваг хөтлөх ямар ч мэдлэггүй байсан тэрээр хүсэл, сонирхолдоо хөтлөгдөн өөрийгөө сорьж, “Золбоо тв” уoutube сувгаа нээж байсан бол гурван жилийн хугацаанд хэдэн арван мянган үзэгчтэй /subscribe/ болж чаджээ.
Олны танил хүмүүсээс ялгарахгүй болсон тэрбээр хэдэн сарын өмнө Уянга хэмээх үзэсгэлэнтэй бүсгүйтэй үерхсэн бөгөөд хамтдаа Итали, Грекээр аялал хийсэн. Тэгвэл тэрбээр найз бүсгүйдээ зориулж дуу зохион дуулж, клипжүүлжээ.
С.Золбоогийн хувьд 2002 онд долдугаар ангиа төгсөөд БНСУ-д анх ирж байжээ. Дунд сургуулиа Солонгост төгссөн бөгөөд их сургуулиа Монголд Олон Улсын Улаанбаатар их сургуулийн бизнес, маркетингийн ангиар төгссөн аж. Түүнээс хойш Солонгост амьдарч, чөлөөт цагаараа “Youtube” сувгаа хөтөлж байгаа билээ.
https://youtu.be/VCsAhG7ERbo
