“Ажнай” Ж.Бат-Эрдэнэ ангийнхандаа үг хаяв

Нүүрсний хулгайн асуудал өнөөдөр нийгэмд эрчээ авч, хүн бүр анхаарлаа хандуулж байна. Яг энэ цаг үед хамгийн түрүүнд тус хулгайд хардагдсан хүмүүс бол УИХ-ын гишүүн АН-ын төлөөлөл “Ажнай” Ж.Бат-Эрдэнэ, А.Адъяасүрэн нар.
Тэгвэл өнөөдөр болсон чуулганы үеэр “Ажнай” Ж.Бат-Эрдэнэ ангийнхандаа үг хаяж гомдолтой байгаагаа илэрхийлжээ.
Тэрбээр “Эрх баригчид аливаа хэрэг шүүхээр батлагдаагүй байхад хэний ч нэрийг зарлаж болохгүй гэж ярьдаг мөртлөө сөрөг хүчний А.Адъяасүрэн гишүүн бид хоёрын нэрийг зарладаг. Дээрэлхээд байна уу эсвэл хуулиа зөрчөөд байна уу гэдгийг хувь хүнийхээ хувь бодолцоорой гэж хэлмээр байна. ЭТТ компанийн оффтейк гэрээ зэрэг олон асуудалд улс төрийн эр зориг гаргаж, нээлттэй хэлэлцэж байж жагсагч нарын шаардлагын хариуг өгнө. Оффтейк гэрээг нээлттэй болгохгүйгээр жагсагчид, хувьцаа эзэмшигчид тайвшрахгүй. Мөн Чалкогийн давуу эрхтэй 100 машины асуудал бий. Эрх баригчдын давуу эрхтэй машины асуудлыг яагаад хөнддөггүй юм бэ” гэжээ.