Сүүлийн үеийн тайз, дэлгэцийн бүтээлүүдэд эцэг хүн болоод Монгол эрийн сайхан чанарыг харуулсан олон ч кинонд дүр бүтээж олны хайр, хүндлэлийг хүлээсэн хүмүүсийн нэг бол жүжигчин Ц.Цэрэнболд билээ.
Түүний тоглосон кино багагүй амжилтанд хүрч, алдар нэр авчирдаг гэдгийг мэдэхгүй хүн цөөн. Үе тэнгийн бүсгүйчүүдээс гадна дээшээ 15, доошоо 15 настай эмэгтэйчүүд түүнийг крашладаг нь нууц биш.
Бүсгүйчүүдийн краш гэгддэг түүнийг папараци дурандаа онцолж байна.
Тэрбээр энэ удаад эхнэр Д.Бямбажавтайгаа дэлгэцийн шинэ уран бүтээл “Монгол” киноны нээлтэд уригдан иржээ. Түүний гэргий Д.Бямбажав урлагт элэгтэй нэгэн бөгөөд “2000” кинонд нөхөртэйгөө хамт тоглож байсан юм.
Сонирхуулахад, Ц.Цэрэнболд эхнэр хүний тухай “Эхнэр хүний нөхөртөө зориулах хамгийн том бэлэг бол хүүхдийг нь төрүүлж өгөх гэж боддог. Энэ хорвоогийн хамгийн сайхан бэлэг авсан нөхөр, эхнэр хүүхдээ аминаасаа илүү хайрлах үүрэгтэй. Зарим эрчүүдэд хандаж хэлэхэд эхнэр чинь чамд бүхэл бүтэн хүн бэлэглэж байна. Хүн бол энэ дэлхийн хамгийн гайхалтай төгс бүтээл шүү дээ. Хэвлийдээ олон сар тээж асар их өвдөлтийг мэдэрч байж төрүүлсэн, бүтээсэн энэ бэлэг бол хэзээ ч голж болохгүй , орхиж болохгүй ,тоохгүй байж болохгүй бэлэг юм шүү” гэж залуус дүү нартаа хэлж байсан удаатай.
