Нийтийн дууны эр хоёр загал

Нийтийн дууны ертөнцөд хослон дуулаад хол явахаар морио хөтөлсөн дуучид бол залуу дуучин Г.Даваадалай, Ө.Бохьшарга хоёр юм. Тэд хамтран дуулдаг төдийгүй хамтдаа уран бүтээлийн тоглолтоо хийж, 21 аймгаа тойрчихсон байна. Г.Даваадалай нь талийгаач М.Бямбажавын гарын шавь бөгөөд багшийнхаа дуунуудыг дуулж, өвлөн авсан гэхүү дээ. Харин Ө.Бохьшарга нь Ардын жүжигчин С.Батсүхийн шавь бөгөөд анх масктай, ятгатай өвөрмөц жанраар дуулж гарч ирсэн нь үзэгчдийг сонирхлыг татаж, өдгөө олны танил дуучин болжээ. Хоёр дуучин талийгаач М.Бямбажав, Н.Чулуунхүү хоёрын дуулсан “Эр хоёр загал” дууг шинэчлэн дуулсан нь сүүлийн үед нэлээд хит болоод байгаа юм. Тэгвэл нийтийн дууныхан тэднийг эр хоёр загал, хаана ч байсан хамтдаа байдаг эр хоёр загал хэмээн хочилдог болжээ.