Наадам дөхөхөөр л бөхчүүдтэй холбоотой янз бүрийн домог яриа, бөхчүүдийн онигоо их яригддаг. Бөхчүүд ер нь өөрсдөө онигооны эзэд байдаг. Мөн бөхчүүдийг их элбэг, дээл хувцас нь том, хоол ундыг ихээр иддэг гэсэн хэвшмэл ойлголт олон нийтийн дунд бий. 
Хөвсгөл аймгийн Шинэ-Идэр сумын харьяат Улсын арслан Х.Мөнхбаатар хоолны нэгэн нэвтрүүлэгт оролцохдоо өөрийнх нь өмдөөр ах нь үхрийн нэмнээ хийсэн байсныг сонирхуулж яриад бөөн инээдэм болжээ. Тэрбээр “Надад цэнхэр адидасын өмдтэй байсан юм. Тэрийгээ хөдөө явуулчихсан юм. Цагаан сарын дараа ахындаа очоод байж байсан чинь үхэр нь гадаа хүрээд ирсэн. Гэтэл миний тэр том өмдөөр яг тэр чигээр нь үхэр нэмнэчихсэн байдаг байгаа. Хараад үхтлээ инээсэн, харин манай ах үхрээ эрт ирлээ гээд загнаад байгаа юмдаа” хэмээн ярьжээ.
Х.Мөнхбаатар арслангийн өмдөөр ах нь үхрийн нэмнээ хийчихсэн байжээ
Нийтэлсэн: Эрхэм админ
