Сэтгүүлч Б.Отгон эрх зүйч боллоо

Нийгэм нийтийн дунд шударга гэсэн тодотголтой сэтгүүлч Б.Отгон эрхзүйч мэргэжлээр суралцаж амжилттай төгссөн байна. Хуулийн чиглэлээр ийнхүү эрхзүйч болж, нийгмийн болон тэр дундаа эрх баригч намынхны дунд үүрлэсэн авлига хээл хахууль, болж бүтэхгүй байгаа асуудал, ноцтой но-той зүйлийг илчилж, бурууд нүд хурц, болсонд шүд хурц байхыг харуулж яваа сэтгүүлч бүсгүйд хүмүүс амжилт хүсчээ.
Сэтгүүлч Б.Отгон “Монгол Улсын Их Сургуулийн Хууль зүйн сургуулийг Эрх зүйч мэргэжлээр төгслөө. Уг нь олон жилийн өмнө эхлүүлсэн ч ТВ-ийн цаг наргүй ажлын дундуур амжихгүй хэсэг завсарласан. Сүүлийн жилүүдэд “чөлөөт” болонгуутаа үргэлжлүүлэн сурч амжилттай төгслөө. Эрх мэдэлтнүүдийн хулгай луйвар, хууль бус бүлэглэлтэй тэмцэж яваа эгэл сэтгүүлч надад энэ мэргэжил нэг том тулах багана минь юм даа. Эрдмийн хишиг хайрласан МУИС-ийн Хууль зүйн сургуулийн эрдэмтэн,багш нартаа гүнээ талархаж байна. Энэ миний эзэмшсэн гуравдахь мэргэжил юм аа. Багш-Сэтгүүлч- Эрхзүйч. Сурсан бүхэн эрдэм шүү дээ” гэжээ.