Бөхийн өмсгөл өмссөн алиа салбадай Н.Ононд хэлэхэд хошигнол хэтрэхээрээ тэнэглэл болдог юм шүү

Түмэн олны хүссэн хүлээсэн наадам болоход арван хэдхэн хоног үлджээ. Бөхчүүдийн наадмын бэлтгэлдээ гарч, өөр өөрсдийн гал дээрээ бэлтгэлээ базаагаад тун завгүй байгаа. Гэтэл жүжигчин Н.Ононгийн өмссөн зодог шуудгаас болж бөхчүүд болон нийтэд нэлээд эгдүүцэл зэвүүцэл төрсөн бололтой. Өв соёл тээж, хэн бүхэн хүрээд байдаггүй өмсгөлийг нь захын нэг алиа салбадай жүжигчин гэх Н.Онон өмсөөд зураг хөргөө авахуулсан нь олонд таалагдсангүй. Бөхчүүд ч өөрсдийгөө тэр хүнээр доромжлуулахыг хүссэнгүй. Олон нийт “Аливаа зүйлд хэм хэмжээ байдгийг иймэрхүү алиалагч нар сайн мэдмээр юм. Хошигнол хэтрэхээрээ тэнэглэл болдог юм шүү Н.Онон гуай. Бид үндэсний бөх өв соёлоо дээдэлж нандигнаж эрхэмлэж явдаг болохоос бусдыг инээлгэх хэрэгсэл болгодоггүй юм. Хэм хэмжээндээ баймаар юм” хэмээн бухимдлаа илэрхийлсэн хүмүүс олон байна.