Үргэлжлэн орсон борооны улмаас нийслэл дундуур урсдаг Сэлбэ, Туул, Дунд гол үерийн түвшинд хүрсэн. Гол дагуух зарим хэсэг усанд автаж, Сэлбэ голын далан нь зарим газраараа сэтэрч орон сууцны доод давхрууд усанд автаж, олон хүн гэр оронгүй болоод байна. 
ТэгвэлтЕрөнхий сайд Л.Оюун-Эрдэнэ өчигдөр үерт автсан зарим газарт очиж нөхцөл байдалтай танилцаад УОК, НОК-ын удирдлагуудад холбогдох үүрэг чиглэлийг өглөө. Харин энэ үеэр холбогдох албаныхантай хамт явахад тэр дундаас хамгийн ганганаараа Барилга хот байгуулалтын сайд Ц.Даваасүрэн байлаа.
Тэрбээр ганган дэгжин хослол өмссөн төдийгүй алчууран зангиагаар өөрийгөө “чимсэн” байсан нь олны дургүйцлийг хүргэв. Үер усны гамшгийн улмаас олон хүн гэр оронгүй болж сургуулиудын зааланд толгой хоргодож байхад төрийн их сайдын хариуцлагатай албан тушаалыг хашиж байгаа эрхэм сайд маань ийнхүү ёс зүйгүй үйлдэл гаргасан нь олны дургүйцлийг хүргэж байна.
