Энэ сарын 08-наас 16-ны хооронд-
Наадмын амралтын өдрүүдэд Гэмтэл согог судлалын үндэсний төвийн Хүлээн авах яаралтай тусламжийн тасагт осол гэмтлийн шалтгаанаар нийт 4796 хүн тусламж үйлчилгээ авчээ. Үүнээс том хүн 2946, 0-18 насны хүүхэд 1850 байна.
Наадмын өдрүүдэд зам тээврийн ослын улмаас 530 хүн яаралтай тусламж авсан нь нийт яаралтай тусламжийн 11 хувийг эзэлжээ. Түүнчлэн мориноос унаж гэмтсэн тохиолдол нийт 150 байгаагийн 66 нь хүүхэд байна. Үүн дотор уралдааны мориноос унасан 21 хүүхэд байна.
Ахуйн хүрээний архидалттай холбоотой зодоон, гэр бүлийн хүчирхийлэлд өртсөн 56 хүн ГССҮТ-д тусламж үйлчилгээ авчээ. (Өмнөх онд 98 хүн тусламж үйлчилгээ авсан) Үүнээс 0-16 насны хүүхэд 6 байна. Дээрх үйлчлүүлэгчдээс 14 нь аюулгүй байдлаа хамгаалуулсан бол, 4 нь хэвтэн эмчлүүлж байгаа юм.
Энэ оны эхнээс зургаадугаар сарын 15-ны байдлаар нийт 74.078 хүн тусламж үйлчилгээ авснаас зам тээврийн осол 5629 байна. Үүнээс эрэгтэй 3264, эмэгтэй 2365, хүүхэд 1702 байгаа юм.
2023 оны эхний таван сард: Улсын хэмжээнд осол гэмтлийн нийт 81.971 тохиолдол бүртгэсний 7691 нь /9.4%/ зам тээврийн ослын шалтгаанаар гэмтжээ. Зам тээврийн ослын шалтгаант тохиолдол өмнөх оны мөн үеэс 3.3 хувиар өссөн байна.
Зам тээврийн ослын улмаас амиа алдсан 147 тохиолдол бүртгэж, өмнөх оны мөн үеэс 19 хувиар буурчээ. Насны бүлгээр харвал 30-49 насанд хамгийн их тохиолдол бүртгэгдсэн байна.
МОРИНООС УНАЖ БЭРТЭХ
Гэмтэл согог судлалын үндэсний төвийн Хүлээн авах яаралтай тусламжийн тасагт:
- 2022 онд мориноос унаж бэртсэн нийт 1598 хүн тусламж үйлчилгээ авснаас 691 нь 2-17 насны хүүхэд байна. Тухайлбал хурдан мориноос унаж бэртсэн 76 хүн, уналгын мориноос унаж бэртсэн 1522 хүн байгаа юм.
- 2023 оны эхний зургаан сард мориноос унаж бэртсэн нийт 620 хүн тусламж үйлчилгээ авснаас 256 нь хүүхэд байна. Тэр дундаа хурдан мориноос унаж бэртсэн 28 байгаа бол, үлдсэн 588 нь уналгын мориноос унаж бэртжээ.
Энэ оны эхний зургаан сарын байдлаар, Гэмтэл согог судлалын үндэсний төвийн Хүлээн авах яаралтай тусламжийн тасагт нийт 81.942 хүн тусламж үйлчилгээ авсан байна. Үүнээс эрэгтэй 47.490, эмэгтэй 34.452 байгаа бол, 0-18 насны хүүхэд 33.876 байгаа юм.
Осол гэмтлийн тэргүүлэх шалтгааныг авч үзвэл:
- Унаж бэртэх /бүх төрлийн уналт буюу явганаас бүдрэх, ор болон шат, гуу жалга, унаа тэрэг, барилга байгууламжаас унаж бэртсэн/ -40.211
- Амьгүй механик хүчин зүйлд өртөх /Шил шаазан, хутга мэс болон бусад эд зүйлд өртөж гэмтсэн/ -12.946
- Амьтай механик хүчинд зүйлд өртөх /Нохой, муур, морь, мал, хүнд хазуулах/ -7388
- Зам тээврийн осол -7011
- Хүчирхийлэлтэй холбоотой бэртэл гэмтэл /Ахуйн хүрээний болон гэр бүлийн маргаан, зодоон цохион, архи дарс хэтрүүлэн хэрэглэснээс үүдэлтэй/ -1047 (7.37%)
- Халуун дулаан бодист өртөх буюу түлэгдэж гэмтсэн -6805
- Нохойд хазуулсан -1854 байна.
