БНХАУ-ын Ханжоу хотод 4 дэх удаагийн Азийн зуны спортын пара наадам амжилттай үргэлжилж байна.
“ХАНЖОУ 2022” Азийн пара наадмын зургаа дахь өдөр пауэрлифтингийн эрэгтэйчүүдийн хэвтээ шахалтын 107 кг-ын жинд Э.Содномпилжээ 245 кг-ыг шахсанаар мөнгөн медаль хуртлээ. Энэ жинд Ираны тамирчид алт, хүрэл медалын эзэд болсон юм.
Гавьяат дасгалжуулагч Д.Баттулга, дасгалжуулагч Б.Энхбаярын удирдлага дор Ханжоуд ирсэн Э.Содномпилжээ Азийн пара наадамд гурав дахь удаагаа оролцохдоо иж бүрдэл медалын эзэн боллоо.
Медаль хүртсэн тамирчдын медалийг БТСУХ-ны Гадаад харилцаа, мэдээллийн технологийн хэлтсийн дарга, Азийн паралимпын хорооны удирдах зөвлөлийн гишүүн, Спорт ба Эмэгтэйчүүд комиссын дарга Насанбатын Оюунбат гардуулан өглөө.
Гавьяат тамирчин, Хөдөлмөрийн баатар Энхбаярын Содномпилжээгийн АМЖИЛТУУД:
~ “Токио-2020” паралимпын аварга
~ “Рио-2016” паралимпын хүрэл медальт
~ ДАШТ-ий алт, мөнгөн медальт
~ Дэлхийн цомын алт, мөнгөн медальт
~ Ази тивийн аварга
~ “Инчёон-2014” Азийн пара наадмын хүрэл,
~ “Жакарт-2018” Азийн Пара наадмын алт
~ “Ханжоу-2022” Азийн пара наадмын мөнгөн медаль
Э.Содномпилжээ “Ханжоу-2022” Азийн пара наадмын Монголын багийн долоо дахь медаль, хоёр дахь мөнгөн медалийг эх орондоо авчирлаа.
