Дуучин Б.Баярцэцэг Олон улсын эмэгтэйчүүдийн баярт зориулж энэ сарын 7,8-нд “Diva” хэмээхамьд хөгжим, оркестртой тоглолтоо хийнэ.
Тэрбээр өчигдөр тоглолтын талаар мэдээлэл өгөхөөр хэвлэлийн бага хурал хийв.
Хэвлэлийн хурлын үеэр “Diva” амьд хөгжмийн бие даасан тоглолтод минь хөгжмийн зохиолч Д.Өлзий-Орших “Би хайрыг мэднэ” шинэ дуугаа анх удаа дуулна. Мөн би өөрийн найман цомгоосоо дуугаа сорчилж дуулна. Олон улсын эмэгтэйчүүдийн эрхийг хамгаалах өдрөөр тоглолтоо хийж байгаа учир эмэгтэйчүүддээ олон бэлэг бэлдсэн. Тэднээс товч дурдвал, “COCCINELLE” брэндийн хоёр цүнхийг онцгой хоёр зочинд бэлэглэнэ. Мөн тоглолтод ирсэн зочид маань шинээр гаргаж буй пянзыг 50 хувь хямдруулан авах боломжтой. Үзэгчдэд зориулж зураг авхуулах ханаа амьд цэцгээр чимэглэнэ” гэв.
Энэ тоглолт дуучин Б.Баярцэцэг анхны уран бүтээлээ гаргаснаас 25 жилийн дараа хийж байгаа тоглолт юм. Тоглолтын тасалбарыг https://shoppy.mn/ худалдана авах боломжтой.
