Монголын улаан загалмай нийгэмлэг, БНХАУ-ын болон ӨМӨЗО-ны Улаан загалмай байгууллагын хамтын ажиллагааны “Бүс ба зам-Гэрэлт аялал” хөтөлбөрийн хүрээнд ӨМӨЗО-ны Чао Жү нүдний эмнэлэг, Улсын 2 дугаар төв эмнэлэг, Цэргийн нэгдсэн төв эмнэлэгтэй хамтран энэ хугацаанд 530 гаруй хүнд нүдний болор солиулах хагалгааг амжилттай хийж, харааг нь сайжруулан олон ахмад настны амьдралын чанарыг сайжруулахад хувь нэмрээ оруулсан.
Энэ удаа нүдний болор цайх эмгэгтэй, болор солиулах заалт бүхий ахмад настнуудын эрүүл мэндийн урьдчилсан үзлэгийг 05 дугаар сарын 20-23-ны өдрүүдэд Улсын төв хоёрдугаар эмнэлэг, ӨМӨЗО-ны Чао Жү нүдний эмнэлгийн эмч нар хамтран хийж байна.
Нийт 500 гаруй ахмад настан урьдчилсан үзлэгт хамрагдахаар бүртгүүлсэн бөгөөд үүнээс энэ онд 120 гаруй ахмадыг сонгон ирэх 06 дугаар сард БНХАУ-ын Эрээн хотын Төв эмнэлэг, ӨМӨЗО-ны Чао Жү нүдний эмнэлэгт урьдчилсан оношлогоо, шинжилгээ, нүдний болор солиулах мэс засалд хамруулах юм.
