Бусдыг эрүүдэн шүүсэн хэргээр гурван шатны шүүхээс 1.6 жилийн ял авсан Б.Хурцыг Тайваньд суух худалдааны төлөөлөгчөөр томилох саналыг АН-аас хүргүүлсэн.
Тэгвэл энэ саналыг одоогоор ГХЯ уг асуудлыг одоогийн байдлаар шийдвэрлээгүй бөгөөд болзол шаардлага хангасан эсэхийг нягтлан шалгаж байгаа аж.
Тодруулбал, Гадаад харилцааны сайд Б.Батцэцэг: “…Бид нар “Нэг Хятад бодлогыг дэмждэг”. Тайвань нь БНХАУ-ын бүрэлдэхүүнд ордог. Тайванд Элчин сайдын яам, Консулын газарт биш Худалдааны төлөөлөгчийн газар буюу нийслэлийн оронд тоонд байдаг албан тушаал. Мэдээж дипломат шугамаар Гадаад харилцааны яамнаар дамжиж томилно.” Гэдгийг мэдэгдсэн.
Тэгвэл Б.Хурцыг өнөөдөр ямар нэгэн эрүүгийн хэрэгт сэжигтэн, яллагдагчаар тататгдаагүй ч ял авч байсан гэдэг утгаараа уг албан тушаалд томилогдох боломжгүй болж байгаа гэх мэдээлэл байна.
Мөн удаа дараа хилийн чанадад томилогдох гээд бүтэлгүйтэж байсан түүхтэй. Хамгийн сүүлд л гэхэд түүнийг БНСУ-д суух Онц бөгөөд Бүрэн Эрхт Элчин сайдаар томилуулах саналыг УИХ-аар оруулсан ч дэмжигдээгүй билээ. Үүгээр ч зогсохгүй эөгөө тал буюу Солонгосын тал удаа дараа хүний эрхийг зөрчин, эрүүдэн шүүсэн гэмт хэрэгтнийг хүлээж авахаас татгалзаж байсан түүхтэй.
Ял авч байснаас гадна өөр бараан түүх нь 2010.11-2011.09 ИБУИНВУ болон ХБНГУ-ад саатуулагдаж байсан.
Эх орноо гадаадад төлөөлөн суух хүн намтар цэвэр байх ёстой ч Б.Хурцын хувьд хэт бараан түүхтэй болохоор явах боломжгүй гэдгийг хэлэх хүн байна. Хэрвээ Монголоос зөвшөөрөөд явууллаа гэхэд Тайвань улсын тал хүлээн зөвшөөрөх эсэх нь эргэлзээтэй байгаа юм.
Бид энэ талаар эргэж мэдээлэх болно.
