Сүүлийн үед цахим орчинд Монгол улсын иргэн Г.Ган-Очир сураггүй алга болсон гэх мэдээлэл гарсан билээ. Уг мэдээлэлтэй холбоотойгоор өнөөдөр (2025.08.29) өөд болсон гэх мэдээлэл гарсан юм.
Үүнтэй холбоотойгоор цагдаагийн байгууллагаас тодруулахад ийм мэдээлэл бүртгэгдээгүй гэв.
Хилийн чандад өөд болсон иргэний мэдээлэл цагдаагийн байгууллагаас түрүүлж, ГХЯ-д ирдэг бөгөөд ГХЯ-с тодруулахад “Гадаад харилцааны яамны зүгээс хилийн чанад дахь ДТГ-уудаар дамжуулан дээрх мэдээллийг тодруулсан бөгөөд түүнийг Интерполын шугамаар эрэн сурвалжилж байсны дагуу Швед улсад саатуулсан тухай мэдээлэл ирсэн.
Олон Улсын Эрүүгийн цагдаагийн байгууллагатай харилцах, тус байгууллагын шугамаар эрэн сурвалжлах асуудал нь холбогдох бусад байгууллагын чиг үүрэгт хамаарах тул Гадаад харилцааны яамнаас дэлгэрэнгүй мэдээлэл өгөх боломжгүй болно” гэж ГХЯ-ны хэвлэлээс мэдээлэв.
