Балба улсад залуус жагсаал хийж Засгийн газраа огцруулаад зогсохгүй сайд нарыг шившиглэсэн. Энэ цаг үетэй зэрэгцэн сэтгүүлч С.Шүрэнчимэг Зам, тээврийн сайд Б.Дэлгэрсайханаас мэдээлэл тодуулахад зүй бусаар хараасан билээ. Үүнтэй холбоотойгоор сэтгүүлчид бухимдаж, уучлалт гуйхыг шаардаж байна.
Тухайлбал, Өнөөдөр сонины Эрэн сурвалжилах, экологийн мэдээлийн албаны дарга Г.Цолмон: “БОРХҮҮГИЙН ДЭЛГЭРСАЙХАН сайд та сэтгүүлчдийг элдвээр хэлсэндээ УУЧЛАЛТ гуй
Монголын баялаг буюу Дарханы төмөрлөгийн үйлдвэрийн түүхий эдийн нөөц болсон төмрийн хүдрийн ордод эзэн суучихаад ард түмэнд юу ч хялайлгахгүй байгаа үйлдэл чинь ШУДАРГА БУС.
ХУВЬДАА төмөр замтай байж Төмөр зам, авто, агаарын тээвэр хариуцсан САЙДААР ажиллаж байгаа чинь ШУДАРГА БУС, АШИГ СОНИРХЛЫН ЗӨРЧИЛ Ч ҮҮССЭН.
МОНГОЛЫН БАЯЛГИЙГ ВАГОН ВАГОНООР нь Өмнөд хөрш рүү зөөхийн тулд ХЯТАДЫН ЭКСИМ банкнаас төмөр зам, галт тэрэгний зүтгүүр барьцаалж авсан ЗЭЭЛИЙН төлбөрийг ХЯТАДЫН ЗАСГИЙН ГАЗРААС НЭХЭЖ САНГИЙН ЯАМАНД удаа дараа бичиг ирсэн байдаг. Хамтрагч хятаддаа залилуулсан болсон энэ хэрэг Монголын ард түмэн, эдийн засагт л сөрөг нөлөөтэй.
Эцэст нь, УЛСЫН ЕРӨНХИЙ ПРОКУРОР Д.Дорлигжав, Ерөнхийлөгч Ц.Элбэгдорж байх үед 461-т хэд хоноод суллагдахдаа хаанаас хаагуур дамжиж БАРЬЦАА МӨНГӨ шилжүүлсэн талаараа тайлбарлах ёстой гэдгийг ч САНУУЛЪЯ.” хэмээн мэдэгдлээ.
