АНУ-ын Лас-Вегас хотноо энэ сарын 21-25-ны хооронд болж жюү-жицүгийн мастерсын Дэлхийн аварга шалгаруулах тэмцээн блож байгаа билээ. Тэмцээний эхний өдөр эх орноо төлөөлөн барилдсан ОБЕГ-ын Аврагч спорт хорооны тамирчин Гунаажавын Эрхэмбаяр М3 ангиллын бор бүсний +100кг жинд хүрэл медаль хүртсэн байна.
Ингэснээр Г.Эрхэмбаяр аварга Мастерсын Дэлхийн аваргаас гурав дахь медалиа авч байгаа юм. Өмнө нь тэрбээр
- 2013 онд АНУ-ын Лос Анжелес, хөх бүсэнд
- 2015 онд АНЭУ-ын Абу-Даби, ягаан бүсэнд
- 2019 он АНУ-ын ЛасВегас, бор бүсэнд барилдаж амжилт үзүүлж байсан.
Дашрамд дуулгахад МЖЖХ-ний Алтан гишүүн С. Жавхлангаар ахлуулсан, Г. Эрхэмбаяр аварга тэргүүтэй 15 хүний бүрэлдэхүүнтэй баг АНУ-ын Лас Вегас хотноо жюү-жицүгийн мастерсын Дэлхийн аваргад оролцохоор очоод байгаа бөгөөд тэмцээний талаар бид эргэж мэдээлэх болно.
