Жүжигчин, мисс Х.Баярмаа жирэмсэн гэв үү
Найруулагч Ц.Хүсэлбаатар, Гавьяат жүжигчин С.Өлзийхүү нарын охин жүжигчин, мисс Х.Баярмааг жирэмсэн гэх мэдээлэл цацагдаад байна.
Уг мэдээллийг батлах гэсэн мэт найруулагч Ц.Хүсэлбаатар өөрийн цахим хуудаснаа эхнэр охиныхоо зургийг нийтлээд “Манай гэрийг гэрэл гэгээ наран саран хоёр минь.Инээд хөөр аз жаргал бүхнийг хүсэе” хэмээн бичжээ.
Жүжигчин Х.Баярмаагийн хувьд АНУ-д урлагийн боловсролоо дээшлүүлэн суралцаж, өдгөө Лос Анжелес хотод ажиллаж, амьдарч байгаа юм.
Авьяаслаг жүжигчин бүсгүй маань өнгөрсөн онд Америк дахь азиудын дунд зохион байгуулсан “Miss Asia USA” уралдаанд оролцож, “First Runner” шагналын эзэн болсон билээ.
