Дуучин Ч.Уранхолбоо тэмцлээ зогсоохгүй гэдгээ мэдэгдэв
“Гала” хамтлагийн дуучин Ану буюу Ч.Уранхолбоог бид таван охины ээж, халамжит гэргий гэдгээр нь мэднэ.
Түүний цахим хаягаараа дамжуулан хүмүүст хүргэдэг “Завгүй ээжийн влог” /Busy mom diary by Urankholboo/ олон хүмүүсийн үзэх дуртай сошиал видео контентын нэг болсон.
Тэр утгаараа сүүлийн үед хүмүүсийн анхаарлыг татаад байгаа “Vote mongolia” сошиал нэвтрүүлэгт уригдан оролцож, гэр бүлийн хүчирхийлэл тэр дундаа охидын хүчирхийлэлийн талаар “хүчтэй” дуугарч, өөрийн байр сууриа илэрхийлсэн.
Харин өнгөрөгч амралтын өдрүүдэд улс төрийн нөлөө бүхий хүн дуучин Ч.Уранхолбоог нэр дэвших гэж буй талаар мэдээлэл тараасан.
Тэгвэл дуучин бүсгүй тус мэдээлэлд няцаалт хийжээ.
Тэрээр “Уучлаарай. Албан ёсоор хариулт өгмөөр байна. УИХ-ын гишүүн болох хүсэлгүй ээ. Ташаа ойлголт, хардалт сэрдэлтээ зогсооно уу, Хүмүүс ээ.
Харин хэн юу ч гэж байсан Хүүхэд эмэгтэйчүүдийн төлөөх тэмцлээ зогсоохгүй” хэмээн цахим хуудаснаа нийтлэжээ.
