“Харанга”-ын Лхагвасүрэнгийн экс эхнэр буюу загвар өмсөгч “ногоон” Маралаа хэдэн жилийн өмнө өөрийгөө Аматти нэртэй үзмэрч, удам дамжсан шулам болсноо зарласан.
Загварын акулуудын нэг байсан тэрээр загварын ертөнцөд эргэн ирж буй сурагтай. Ингэхдээ тэрээр фото модель чиглэлээр ажиллаж эхлэхээр болжээ. Түүний хувьд өдгөө 40 насны босго алхсан ч 30 настнуудаас ялгагдахгүй толиотой харагддаг.
“Ногоон” Маралааг рок попын “хар азарга” гэгддэг Лхагвасүрэнтэй дэр нэгтгэхээс өмнө олон эр эргүүлдэг байсан бөгөөд тэдний дунд одоогийн манай улсын Ерөнхийлөгчийн нэр ч цохиж явдаг.
