Комедиан Б.Идэр-Од
Нисэхийн инженерээс илүү англи хэлний багш, комедиан гэдгээр олноо танигдсан Б.Идэр-Од иогоор хичээллээд багагүй хугацааг үджээ. Тэрээр иогт чин сэтгэлээсээ дурласан бөгөөд өөрийн эрүүл амьдралын гол үндэс бол иог гэж тодорхойлсон. Түүний хувьд хийхэд хамгийн хүнд дасгал бол “Баатар” байрлал гэсэн.
Топ модель Пүрэвсүрэн
Загварын ертөнцийн сайхан бүсгүйчүүдийн нэг топ модель Д.Пүрэвсүрэн иогоор хичээллэх болоод багагүй хугацаа өнгөрч байгаа. Тэрбээр хоёр дахь төрүүлчихээд иогаар хичээллэсэн төдийгүй гоо сайханы нууцаа иог хэмээн хэлдэг юм билээ. Топ модель Пүүжээ иогоор хичээллэж эхэлсэн биш охид хүүхнүүд иогоор хичээллэх нь ихссэн гэдэг нь оргүй биш ортой. Тэгвэл Д.Пүрэвсүрэнг иог руу ураа татаж иогийн багш болоход хамгийн их нөлөөлсөн хүн бол “Нара” иогийн багш П.Наранчимэг бүсгүй. Хэн хэн нь гурван хүүхдийн ээж ч 18-таас ялгарахгүй гоо бүсгүйчүүд бол тэд.
Дуучин Анхмаа
Гурван охин хамтлагийн хамгийн царайлаг бүсгүй бол дуучин Анхмаа. Өөрийн соло уран бүтээлийг сүүлийн хэдэн жилд гаргах болсон тэрээр иогоор хичээллээд удаж буй. Анх 2014 онд иогтой албан ёсоор танилцсан гэдэг. Тэрээр өөрийн цахим хуудаснаа иогоор хичээллэж хөлсөө урсгаж байгаагаа илүү харуулах болжээ.
Хүмүүнлэгийн элч дуучин К.Номинжин
Монгол ээж, гадаад аавтай гэдгээрээ бахархадаг хүн бол цагаан хоолтон дуучин К.Номинжин. Тэрээр аль уже 2015 онд иогийн багш болсон нэгэн. Дуучин, жүжигчин, ая зохиогч, бүжигчин, бясалгалын багш зэрэг олон ажил эрхэлдэг тэрээр гэрээгээ иог хийдэг гэдэг.
Жүжигчин С.Өлзийхүү
Монголын хошин урлагийн “акул”-уудын нэг жүжигчин С.Өлзийхүү агаарын иог хийж 10 кг хассан нь олон нийтийн анхаарлыг татсан. Тэрбээр энэ талаар хэлэхдээ “Хүн ер нь хэлэхээс нааш мэддэггүй, илүүдэл жинтэй байна гэж боддоггүй юм байна. Охин маань /жүжигчин Баярмаа/ АНУ-аас зуны амралтаараа ирэхдээ “Detoх diet” хэмээх одуудын дэглэмийг санал болгож, кино зураг авалтаасаа өмнө дэглэмээ барьж эхэлсэн. Үүнтэй хавсарч “Ари Иог”- т явж, “River club”-т фитнессээр хичээллэснээр 10 кг жинг ядах юмгүйгээр хаясан. Одоо бол бүх зүйл хөнгөн санагдаж, өмнө нь яаж илүүдэл жинтэй байсан юм бол гэж бодогддог болсон” хэмээжээ.
