Тас.мн та бүхэндээ өнөөдөрөөс “Эргэн дурсахад” нэртэй буланг нээж байгаагаа үүгээр дуулгаж байна. Бид энэ булангаараа эргэн дурсахад жаргалтай, баяртай дурсамжуудаа сэргээх гэгээн сайхан бүхнийг та бүхэндээ цувралаар хүргэхийг хичээх болно оо.
Энэ удаа жүжигчийн Ааяагийн цэл залуу насыг, гэрэл зургийн хамт эргэн дурсацгаая.
Монгол Улсын Гавъяат Жүжигчин Ш.Алтанцэцэг буюу Ааяаг монголын ард түмэн андахгүй. Түүнийг Арслан гэж хүндэлдэг “Говийн зэрэглээ” киноны Г.Доржсамбуу урлагийн салбарт хөтлөн оруулж байжээ. Сургуулиа төгсөөд Монголын хүүхэд залуучуудын театрт ажиллаж драмм, хөгжимт жүжигт тоглож байжээ.
Хүүхэд, залуучуудын театраас “Элдэв зураг” нэртэй хошин хөтөлбөр тоглодог байжээ. Ааяа тэр хошин тоглолт дээр анх удаа тоглохдоо дөрөвхөн өгүүлбэр хэлж байсан гэнэ. Түүнээс л урам зориг авч өнөөдрийн бидний хайртай жүжигчин бий болжээ.
Бид түүний гол болон туслах дүр бүтээсэн “Сарны гөлөг”, “Хүүгүй ломбард”, “Учрал”, “3 найз: Яасан байх нь вэ?”, “Би ээж болмоор байна”, “Өнөр бүл, өнөө цагт”, “Одод болохын хүслэн” зэрэг олон сайхан бүтээлүүдийг мэднэ ээ.
Хамгийн сүүлд “Нийслэл хүүхэн” кинонд дүр бүтээсэн МУГЖ Ш.Алтанцэцэгийн цэл залуу насыг эргэн санацгаая. Алаг нүдэн Ааяа одоо ч хөөрхөнөөрөө.
