“Зүрхний лимбэчин бүсгүй”, “Эрх нүдэн”, “Ээж минь дээ” зэрэг уран бүтээлүүдээрээ ард түмэндээ танигдаж явсан дуучин бол Э.Цолмонбаяр юм. Тэрээр СУИС-ийг Монгол Улсын гавьяат жүжигчин Ц.Чулуунцэцэг багшийн удирдлага дор уртын дуучнаар төгсчээ.
Тэрээр эрэгтэй хүн ховорхон дуулдаг Монгол Улсын хөдөлмөрийн баатар, ардын жүжигчин Н.Норовбанзад агсны дуулж олон түмэнд хүргэсэн “Уяхан замбуу тивийн наран”-г дуулсан.
Түүний хамгийн анхны сурсан дуу нь “Очоод золгоно доо” дуу байжээ. Сумын төвд сургуулийн хүүхдийн дууны үзүүлбэрт орж гурван одоо дараалан дуулж байжээ.
Дуучин Э.Цолмонбаяр нь Монгол Улсын гавьяат жүжигчин, “Чингис хаан” одонт Г.Ариунбаатар, Э.Төрмандах, А.Анхбаяр, Б.Чанцалдулам, П.Амартүвшин нартай нэг ангид суралцаж төгсчээ.
Түүний анхны бие даасан уран бүтээл нь П.Лхагвасүрэнгийн шүлэг, Монгол Улсын урлагийн гавьяат зүтгэлтэн, хөгжмийн зохиолч Д.Цэвээнравдангийн хөгжим “Зүрхний лимбэчин бүсгүй” дууг дуулжээ.
Харамсалтай нь тэрээр хорин тавхан насандаа Хэнтий аймгийн Бор-Өндөр сумын Цагдаагийн хэсгийн Албадан саатуулах байранд насан эцэслэсэн байдаг.
“Дуучин хүн дуулалтаараа л ялгарч байх ёстой” хэмээн үздэг эгэл даруухан дуучинг бид үүрд дурсах болно оо.
