Ерөнхийлөгчийн сонгуулийн сурталчилгаанд аавыгаа дагалдан явж, өдгөө “Тэргүүн охин” гэх гуншин зүүх болсон ууган охин Б.Намуун нь 2012 онд сүр дуулиантай хурим найр хийж байлаа.
Б.Цог гэх даруухан залуутай Хөвсгөлийн жуулчны баазад гэрлэж, хуримын зочдоо нисэх онгоцоор зөөж байсан Б.Намуун харамсалтай нь хоёр жил ч бололгүй нөхрөөсөө салсан гэдэг. Анхны амьдралдаа цэг тавьснаас хойш аавынхаа улс төрийн ажилд анхаарч явсан Б.Намуун дараагийн болзоонд явж, “Оюуны Ундраа” группийн захирал С.Отгонбаярын том хүү О.Тэнүүнтэй ханилсан юм.
“Хос жор” цуврал төсөлд Б.Намууны нөхөр О.Тэмүүн ингэж ярьсан байна. Тэрээр “Том бизнест хэн нэгэн хөл тавихдаа тухайн бизнесээ судлан суралцаж байж дараа нь ямар нэг туршлага хуримтлуулаад чадвартай баг хамт олныг бүрдүүлэн ажиллаж эхэлдэг гэдгийг бүгд мэднэ байх. Анагаахаар төгсөж байж эмч болдог шиг.
Тэгээд бүхэл бүтэн жилийн, сарын гэх мэт стратеги төлөвлөлт гаргаж байж аль болох алдахгүй, хамт олноо эрсдэлд оруулахгүй олон талын сэрэмжтэй амжилттай бизнес эрхлэнэ шүү дээ.
Гэтэл амьдрал дээр хосын харилцаан дээр гэр бүл үр хүүхэд дээрээ бид суралцах боловсрох өөрийгөө хөгжүүлэх тал дээр тоодоггүй.
Уул нь мөнгөнөөс илүү үнэ цэнэтэй зүйл бол гэр бүл шүү дээ.
Амьдралынхаа стратеги төлөвлөгөө, уртын болон ойрын зорилгоо тодорхойлж, яагаад хэн хэнийгээ сайхан амьдруулж болохгүй гэж…
Манай гэр бүл мундагтаа ингэж хэлээд байгаа юм биш шүү. Энэ байдлыг олж ухаараад суралцах гээд л хуваалцаж байгаа юм шүү.
Одоо цагт мэдээлэл арвин, нээлттэй
хүн өөрөө хүсвэл хөгжих дэвших боломжтой болсон. Тиймээс бид хүүхдээ өсгөх тал дээр, хосын харилцаан дээр сурах, өөрийгөө хөгжүүлэх, аль болох амьдралаа төлөвлөж үр дүнтэй амьдрах хэрэгтэй юм шиг санагддаг.
Одоо бид өөд өөдөөсөө харж суугаад маргасан ч хамаагүй ярилцаж төлөвлөдөг болсон доо…
Хэн хэнийгээ жаргалтай байгаа эсэхийг нягтлахыг хичээдэг. Эхнэр минь өөрийн мөрөөдөл ажилдаа цаг гаргах хэрэгтэй, би ч бас өөртөө цаг гаргах хэрэгтэй.
Тэгэж байж харилцаа бас хөгжиж явдаг юм шиг ээ” гэжээ. Мөн тэргүүн охин тэр бүр хүүхдийнхээ зургийг ил гаргадаггүй. Инстгарам хуудаснаа хүүгийнхээ бичлэгээр гангарчээ.
