Засгийн газраас бүх нийтийн хөл хориог тогтоогоод 12 хоног өнгөрч байгаа ч халдварын тархалт, халдвараар амиа алдсан хүний тоо өдрөөс өдөрт нэмэгдсээр байгаа билээ.
УОК болон Эрүүл мэндийн яамны зүгээр “Гэрээсээ бүү гар” гэх уриалгыг иргэддээ хүргүүлж байгаа ч, урин дулаан ирсэн энэ цагт гэрээсээ гарч цэвэр агаар амьсгалах гэсэн иргэд гудамжаар нэг холхих нь даанч харамсалтай.
Монголд ганц байдаг ХӨСҮТ ачааллаа 120-130 хувьд хүргэн ажиллаж, эмч эмнэлгийн ажилтнууд өдөр шөнөгүй битүү хувцастай чадах чинээгээрээ ажиллаж иргэдээ эдгээсээр буй.
Гэтэл хийцгүйрсэн зарим иргэд компютер, гар утасны цаанаас эмч, цагдаа, онцгой байдлынхны ажлыг үнэгүйдүүлж хамаг муу үгсээрээ эмч нарыг булах нь ГУТАМШИГТАЙ.
Сэтгүүлч Алтантүрүү энэ хүнд хэцүү цаг үед “галын шугам” дээр ажиллаж байгаа албан хаагчдын ар гэрийнхэнтэй уулзаж, тэдний үгийг нийгэмд дамжуулж эхэлжээ.
ХӨСҮТ-д ажилладаг таван хүүхэдтэй асрагч бүсгүйн ар гэр, хань нөхөр нь “14 хоног өдөр шөнөгүй ажил үүргээ гүйцэтгэж, 14 хоногт нь тусгаарлагдаж, цөөн хэдхэн хоног гэртээ ирээд эргээд л дуудагдаад явдаг. Охид маань ээжийнхээ төлөө өдөр бүр залбирч, тэр муухай вирусыг ээжээс минь хол байлгаач хэмээн бясалгал хийдэг.
Хүмүүс энэ вирусыг ямар аюултай уршиг үлдээхийг ойлгохгүй байна. Амь наснаас гадна эрүүл мэндэд маш хор хөнөөлтэй. Энэ вирус дэгдэх үеэр эхнэрийгээ ажлаас нь гаргах түүнтэй талаар ярилцсан.
Тэр үед эхнэр маань “Энэ халдвартай тэмцэхгүй гээд яахав, бид нарын ажил шүү дээ” гэж хэлсэн” гэв.
https://youtu.be/sY_BB05a-dI
