Жүжигчин П.Шүүдэрцэцэг АНУ-д мэргэжил дээшлүүлэн суралцаж буй. Улмаар тэрээр ирэх долоо хоногт буюу энэ сарын 17-ны өдөр АНУ-ын Лос Анжелес хотноо болох “Miss Asia in the USA“ тэмцээнд эх орноо төлөөлөн оролцоно.
Уг тэмцээнд өмсөх даашинзуудаараа зураг авалтад оролцож эхэлсэн байна. Энэ удаагийн тус тэмцээнд монголоос гурван бүсгүй оролцож байгаа юм.
АНУ дахь Ази бүсгүйчүүдийн гоо бүсгүй шалгаруулах уг тэмцээнд өмнө нь найруулагч Ц.Хүсэлбаатар, Гавьяат жүжигчин С.Өлзийхүү нарын охин жүжигчин, мисс Х.Баярмаа оролцож, “First Runner” шагналын эзэн болж байсан билээ.
Америк дахь азиудын дунд зохион байгуулдаг энэхүү тэмцээнд энэ удаа П.Шүүдэрцэцэг оролцох нь.
2015 онд СУИС-ийн Театр урлагийн сургуулийг “Урлаг судлаач” мэргэжлээр суралцаж төгссөн тэрээр 2008 онд “MissTourism” тэмцээнд оролцож тэргүүн байранд шалгарч байсан билээ.
Мөрөөдөл том байх тусам очих цэг нь өндөрт байдаг хэмээн ярих дуртай жүжигчин бүсгүйдээ амжилт хүсье.
