СТА Дуучин Батсайханы Буянжаргал гэхлээр яах аргаүй “Санахгүй л гэсэн юм аа” дуу нь аманд аялагдаж байгаа биз. Уран бүтээлээрээ олондоо танигдаж, бүр түүгээрээ овоглогдож явах шиг сайхан зүйл уран бүтээлч хүнд байдаггүй биз.
Олон сайхан хит дууны эзэн, нийтийн дууны ертөнцөд өөрийн орон зайгаа тодоос тод тамгалж яваа түүнийг бүтэлгүй хайрын дууны дуучин гэж хошигнох нэг нь ч бий. Өдгөө гурван охины аав болсон тэрээр сүүлийн хэдэн жил газар тариалангын бизнес эрхлэх болсон.
Тэгвэл дуучин залуу маань хүйтнээс урьтаж ургацаа хураагаад завгүй яваа сурагтай. Тэрээр Төв аймгийн Октябрийн сангийн аж ахуйд малын ногоон тэжээл тариалсан бөгөөд үүнийгээ зах зээлийн үнээс хямдаар борлуулж байгаа гэсэн шүү.
