“Хөгжилтэй гэр бүл” цувралын бага охины дүрээр анх жүжигчний гараагаа эхлэж байсан жүжигчин Ц.Эрдэнэцэцэг буюу Ээнээ сүүлийн жилүүдэд хувийн амьдралдаа анхаарч нам гүм байсан.
Тэгвэл тэрээр тун удахгүй үзэгчдийн хүртээл болох “Цагаан сүүдэр” уран сайхны кинонд гол дүр бүтээж урлагтаа эргэн ирж буй аж.
Жүжигчин бүсгүйн хувьд өмнө нь “Гэрэлт ертөнц”, “Хунгийн сүүлчийн дуу” дүрүүд бүтээсэн. Мөн “Дэлхийд дурласан сар” кинонд туслах найруулагчаар ажилласан авъяаслаг бүсгүй.
Түүний хувьд Монгол-Энэтхэгийн хамтарсан дунд сургуулийг дүүргэж, дур сонирхол хүсэл мөрөөдлөөрөө Кино урлагийн дээд сургуульд суралцан амжилттай төгссөн гэдэг.
Энэ удаад жүжигчний уран чадвараа хэрхэн гайхуулсныг “Цагаан сүүдэр” киноноос харах л үлдлээ.
