Монголын анхны фото мисс өргөмжлөлийг 16 насандаа хүртэж явсан жүжигчин Б.Хулан өдгөө ганц бие ээж. Даруу төлөвөөрөө гайхагддаг түүний гоо үзэсгэлэн, хөөрхөн төрхийг бишрэх хүн олон.
Тиймдээ ч, монголын “Мерлин Монро” хэмээн нэрлэсэн байхыг үгүйсгэхгүй. Өдгөө хоёр хүүхдийн хамт АНУ-ыг зорьсон тэрээр одоогоос 10-аад жилийн өмнө “Х-Түц” продакшнаас гармагцаа сураг алдарсан. Энэ хугацаанд өөрөөсөө насаар ах өвөрлөгч эртэй ханилж, Ренчинлхаа хэмээх бага хүүгээ төрүүлсэн гэдэг.
Урьд нь амьдрал зохиож, хөөрхөн охинтой болсон ч төд удалгүй ганцаар хоцорсон тэрбээр нэг хэсэг нисгэгч залуутай үерхэж байсан гэдэг. Гэвч олны хэл амнаас залхсан уу, яасан. Мөнөөх залуу нь хамтын амьдрал ярих нь байтугай, хадмын босго ч давахыг хүсээгүй тул хоёр тийш болжээ.
Хайр халамж, халуухан тэврэлт үгүйлж яваа жүжигчин Б.Хулан хамгийн сүүлд дуучин Дашнямын “Бүсгүй” дууны клипэнд тоглосон билээ.
