Одоогоос 10 жилийн өмнө “Тусгай салаа” олон ангит кино үзэгчдийг байлдан дагуулж байв.
Энэхүү киноны сонирхолтой дүрүүдийн нэг ахлах дэслэгч Хурцын дүрээр олон танигдсан жүжигчин Д.Мөнхбат урлагаас хөндийрчээ.
Гэр бүлийнхээ хүний хамт бизнес эрхлэж амьдарч буй тэрээр өнгөрсөн жилүүдэд гадаадад хэсэг хугацаанд ажиллаж амьдарч байсан гэдэг. Кинонд тоглох үедээ анхны охиноо өлгийдөж авсан тэрээр өнгөрсөн хавар хоёр дахь хүүхдээ өлгийдсөн.
Нэгэн хэсэг Төв аймгийн хөгжимт драмын театрын даргаар ажиллаж байсан тэрээр гэр бүлээрээ АНУ-д сууршижээ. Тэрээр Калифорни мужид сууришаад байгаа аж.
Жүжигчин Д.Мөнхбатын хувьд 2002 онд СУИС-ийг жүжигчин мэргэжлээр төгсчээ. Сургуулиа төгсөөд “Вансэмбэрүү”, “Мөрөөдлийн хөлөг онгоц” олон ангит кинонд тоглож байсан юм. Түүнээс хойш Тайвань, Сингапурт таван жил амьдраад 2008 оны сүүлээр Монголдоо ирсэн байдаг.
Түүнээс хойш тоглосон кино нь “Тусгай салаа”.
Тиймээс камерын өмнө гарахдаа их сандарч байсан гэж ярьдаг. Түүнийг “Тусгай салаа” олон ангит кинонд тоглосноос нь хойш зар сурталчилгаа болон кинонд тоглох санал их ирэх болсон талаар хэвлэлд ярьж байсан түүхтэй.
