Сэтгүүлч Б.Отгон цахим хуудаснаа Ё.Отгонбаяр, Ш.Лхамсүрэн гэсэн хадам,хүргэн хоёр одоо болио!!!
Бүрэгхангайд оршуулгын газар ухах гэж буй “Нүүдэлчин групп” Заамарт ухсан газраа нөхөн сэргээгээгүй.
УИХ-ын гишүүн асан Ё.Отгонбаяр, Барилга хот байгуулалтын дэд сайд асан Ш.Лхамсүрэн нарын “Нүүдэлчин групп” -ын охин компани болох “Нүүдэлчин айрон ресорс ” нь Булган аймгийн Бүрэгхангай сумын Дэрст багийн иргэдийн өөд болоочдоо нутаглуулдаг газрыг нь ухаж эхэлсэн. Ё.Отгонбаяр нь Ш.Лхамсүрэнгийн төрсөн эгчтэй сууж, “Нүүдэлчин групп”-т хүргэн орсныг түүний хөрөнгө орлогын мэдүүлгээс харж болно. Монгол хүний ёсоор өвгөдийг нутаглуулсан газраа ухуулахгүй гэж Бүрэгхангайнхан эсэргүүцэж байгаа . Булган аймгийн Бүрэгхангай сум нь Төв аймгийн Заамар сумтай Туул голоороо хиллэдэг.
Бүрэгхангайн малчдын малын гол бэлчээр, тахилгат уул, оршуулгын газар орсон энэ газарт төмрийн хүдэр олборлох гэж буй “Нүүдэлчин групп” нь хэр хариуцлагтай компани вэ?
Заамарт ухсан газраа нөхөн сэргээх байтугай бичил уурхайдад талбайгаа түрээсэлж, хууль зөрчин олборлолт явуулж буй компани юм байна.
Тодруулбал: “Нүүдэлчин групп”-ын өөр нэг охин компани болох “Мондулаан трейд “нь Төв аймгийн Заамар суманд 800 га газрыг “Улааншивэртийн ам ” нэртэй МV-0049108 болон MV-017100 дугаартай хоёр ч ашиглалтын лицензээр эзэмшдэг ажээ. Уг газраас “Мондулаан трейд” алт олборлосон ч сүйтгэсэн газартаа өнөөдрийг хүртэл нөхөн сэргээлт хийсэнгүй.Сорчилж олборлосныхоо дараа бичил уурхай нэртэй хувираа алт олборлогчдод түрээслэн ухуулсаар байна. Уурхай ашиглах уулын ажлын төлөвлөгөө, байгаль орчинд нөлөөлөх байдлын үнэлгээ ямар ч зөвшөөрөл, бичиг баримт байхгүй. Нэг ёсондоо хууль бус олборлолт юм. Зөвхөн Сумын засаг даргатай гэрээ хийж суманд хэдэн төгрөг тушаагаад ухуулдаг байна. Энэ компаний хууль зөрчсөн үйлдэл үүгээр хязгаарлагдахгүй. Өмнө нь “Мондулаан трейд” компани Заамар сумын удирдлагуудтай хуйвалдан, сумын тусгай хэрэгцээний газраас мөн л хууль зөрчин олборлолт хийсэн.Энэ асуудлаар Эрүүгийн хэрэг үүсгэсэн ч Төв аймгийн шүүх дээр хэрэгсэхгүй болжээ. Нэг аймагт 800 орчим га газрыг сүйтгээд нөхөн сэргээхгүй орхисон “Нүүдэлчин групп” дараагийн аймагт дахиад 967 га эрүүл газрыг ухаж болох уу? Эрх баригч намын бүлэглэлүүдэд хууль үйлчилдэггүй ажээ. Худ ураг, хадам хүргэн болж холбоогоо улам бэхжүүлж, хана хэрмээ бат босгожээ. Оршуулгын газрыг ухах хүртлээ улайрсан шуналын шалтгаан нь Заамарын алтны амт ажээ .
/ Нотолгоо болгож, “Мондулаан трейд” компаний нөхөн сэргээлт хийлгүй орхисон талбай болоод бичил уурхайтай хийсэн гэрээний хэсгээс хавсаргав/
Сэтгүүлч Б.Отгон
