Саяхан “Алтангадас” одонгоор энгэрээ мялаасан дуучин Э.Чулуунчимэг нь өөрийн бие даасан “Гоо ялдам” тоглолтоо хийх зар фэнүүдийг нь баярлуулж байна.
Энэ удаагийн тоглолт түүний хувьд тав дахь бие даасан тоглолт бөгөөд “Улаанбаатар палас”-ын концертын их танхимд болно. Түүний хувьд өмнө нь 2017 онд “Зүгээр л инээмсэглэ”, 2019 онд “Бүсгүй ертөнц” тоглолтоо толилуулж байсан юм.
Тоглолтын үеэр түүний охин Б.Аялгуу ээжтэйгээ хамтран “Ээжийн ач” нэртэй шинэ дуугаа эмээдээ болон бүх сайхан ээжүүддээ зориулан дуулах юм байна.
Тус дүүний үг *ЭЭЖИЙН АЧ*
Үг: Ж.Батсайхан СГЗ
Ая: Т.Найданжав УГЗ
Шүүдрийн мөнгөн дуслаар ээждээ цай чанаж өгөхсөн
Шөнөжин бүүвэйлж хоносон ээжийнхээ ачийг яаж хариулья даа
Алтан гоо цэцгээр ээжийгээ би чимж явахсан
Амьдрал бэлэглэсэн ээжийнхээ ачийг яаж хариулья даа
Далайн сувдан сондроор ээжийгээ би гоёхсон
Дандаа хайрлаж яваа ээжийнхээ ачийг яаж хариулья даа
Тэнгэрийн мянган оддыг ээждээ би бэлэглэхсэн
Тэнүүн уужим сэтгэлтэй ээжийнхээ ачийг яаж хариулья даа
Эгшиг яруу дуугаа ээждээ би дуулж өгөхсөн
Энгүй сайхан сэтгэлтэй ээжийнхээ ачийг хариулья даа
Хурмастын цагаан салхинаас ээжийгээ нөмөрлөж явахсан
Хүний хайлан дээдийн дээд ээжийнхээ ачийг яаж хариулья даа“ юм.
Ээж охин хоёрт сайхан бүхнийг хүсье.
