Монгол Улсын Ерөнхийлөгчийн ивээл дор Үндэсний спортын анхдугаар Их чуулган Төрийн ордонд хоёр хоногийн өмнө боллоо.
Энэхүү чуулганд Монгол Улсын үндэсний 15 спорт холбоодын 21 аймаг, нийслэл, дүүргийн төлөөлөл болсон тамирчин, багш дасгалжуулагч, эрдэмтэн судлаач, үндэсний спортын зүтгэлтэн нийт 770 хүн оролцсон билээ.
Тэгвэл энэ үеэр У.Хүрэлсүх Ерөнхийлөгчийн улс төрийн ойр дотны нөхөр гэгддэг Ерөнхийлөгчийн Тамгийн газрын дарга Я.Содбаатар хүн бүртэй дотно яриа өрнүүлж яваа харагдав. Мань хүн өөрөө адуу мал, хурдан морь ихээхэн сонирхдог бөгөөд ажлын их ачааллын улмаас сонирхолоо биелүүлж амжаагүй яваагаа хуучилж явсан гэнэ шүү.
Сонирхуулахад, тэрээр хөл хорионы үеэр төрөөд удаагүй нялх биетэй ээж, нярайг халдвартай хэмээн дөн өвлийн хүйтэнд тавчик, халаттай ХӨСҮТ-рүү шилжүүлснээр багагүй хэл ам шүүмжлэлд өртөж байв. Уг үйл явдлын маргааш нь өөрийн хүсэлтээр буюу сайн дураараа Шадар сайдын албаа хүлээлгэн өгч байв.
