Ойрын өдрүүдэд арилжааны банкууд ам.долларын гүйлгээ хийхгүй байгаа билээ. Тухайлбал, Голомтбанк ам.доллар хадгалуулдаг иргэн хадгаламжинд байгаа ам.доллараа авахыг хүсэхэд тухайн иргэнд өгөх боломжгүйгээ мэдэгдэн, “буцаасан” сурагтай.
Мөн компанийн дансаар гадаад дахь харилцагчдаа үйлчилгээний төлбөр хийхэд өдөрт ганцхан сая төгрөгийн үнийн дүнтэй тэнцэх вальют төлөх лимиттэй болсон байна.
Иймд иргэдийн зүгээс манай улсын төв банк болох Монголбанкыг ОУ-ын эдийн засгийн хоригт орсон байх вий гэх хардлагатай байгаагаа цахим хуудсаараа илэрхийлэх болжээ. Гэвч Монголбанкны зүгээс уг асуудалд ямарч тайлбар хийхгүй байгаа юм.
Хойд хөрш болох ОХУ Укрианы асуудлаас болж АНУ болон барууны гүрнүүдтэй сайнгүй харилцаатай байгаа.
Монголчуудын дийлэнх нь ОХУ-ыг дэмжиж буйгаа илэрхийлсээр буй. Үүнээс болсон уу, эсхүл ОХУ-тай найрсаг харилцаатай худалдаа хийдэг болохоор эдийн засгийн хориг үүссэн үү, ямартаа ч Монголд ам.доллар олдохоо байлаа.
