ШӨХТГ-ын дарга асан Б.Бат-Эрдэнэ өнгөрсөн нэгдүгээр сарын 18-нд Байгаль орчин аялал жуулчлалын яамны сайд болсон. 
Тэрбээр сайдаар орчсон даруйдаа яамныхаа зарим тоног төхөөрөмжийг сольсон байна. 
Тухайлбал, яамандаа “Сүлд жи эс эн” гэх компаниас гуравхан ширхэг компютерыг иж бүрнээр нь солихын тулд 19 сая 329 мянга 600 төгрөгийг зарлагаджээ.
Өөрөөр хэлбэл, тус яамныхан нэг ширхэг компютерийг 6 сая 443 мянган төгрөгөөр худалдан авсан байна.
“Сүлд Жи Эс Эн” компанийн хувьд хүнс, бичиг хэргийн бөөний худалдааны чиглэлээр үйл ажиллагаагаа явуулдаг бөгөөд 2019 оноос ГССҮТ, Дулааны дөрөвдүгээр станц зэрэгт бичиг хэргийг нь нийлүүлдэг байсан гэх.
Улс орон эдийн засгийн хямралтай энэ үед төрийн өндөрлөгүүд хэмнэлт хийхийг ард иргэддээ уриалаад буй. Гэвч төрийн үйл ажиллагааг явуулах салбар яамныхан төсвийн мөнгийг компютер авах нэрийдлээд 19 сая гаруй төгрөгийг зарцуулах нь зүй зохистой юу.
