Бельги дэх Эв нэгдэл холбоо, Монгол дахь Ариун тэмүүлэл ТББ, НЮАНС хамтлаг хамтран “ХАЛУУН СЭТГЭЛ” аяныг 2021 оны 3 сараас эхлэн өрнүүлсэн хандивын аян өнөөдрийг хүртэл амжилттай үргэлжлэн ажиллаж байна.
“Халуун сэтгэл” аяныг 2 үе шаттай зохион байгуулж нэг жилийн хугацаанд амжилттай явагдаж байна. Европ дахь Монгол ТББ-ууд болон гадаад иргэдийн хандивласан хувцас, эд зүйлсийн хандив тусламж Бельги улсаас Монголруу ачигдан ирсэн билээ.
“ХАЛУУН СЭТГЭЛ” аяныг зохион байгуулагч Бельги дэх “Эв нэгдэл” холбоо болон Монгол дахь “Ариун тэмүүлэл” ТББ нь халуун сэтгэлт хандивлагчдын өгсөн хандив тусламжийг хууль тогтоомжийн хүрээнд “Халуун сэтгэл” аяны зорилтот бүлгийн хүмүүст хүргэх ажлыг зохион байгуулан явуулсаар байна.
Өнөөдөр НЮАНС ХАМТЛАГ #Өнөр_бүл хүүхдийн төвд НГБХЗХ газрын хамт олонтой хамтран гараас гарт хүлээлгэн өгөв.
