Эмч хүн өвчтөнтэйгөө давхар харилцаа үүсгэхийг хориглоно гэсэн эмчийн ёс зүй олон улсад мөрдөгддөг. Манайд энэ талаар Эрүүл мэндийн сайдын хоёр удаагийн тушаал гарч байсан. Өөрөөр хэлбэл эмч хүн өвчтөнтэйгөө ямар нэгэн харилцаа үүсгэж болохгүй.
Харин манайд энэхүү ёс зүй мөрдөгдөхгүй байгаа бололтой. Үүний жишээ нь СЭМҮТ-ийн эмч Ланжаагийн Баттулга болж байна. Тэрбээр СЭМҮТ-д хэвтэн эмчлүүлж байсан нэгэн сайтын эрхлэгч бүсгүйтэй удаа дараа бэлгийн харилцаад орсон байна. Тэдний харилцаа багагүй хугацаанд өрнөсөн гэх мэдээлэл байна. Хэдийгээр хэн хэн нь гэр бүлтэй ч эмчийн ёс зүй, хүний ёсноос гажиж ийнхүү харилцаа үүсгэсэн бөгөөд үүнийг нь олон хүн мэддэг аж.
СЭМҮТ-ийн эмч Л.Баттулга өвчтөнөө хариуцлага хүлээж чадахгүй, биеэ хамгаалах чадваргүй байх буюу хүнд байж болзошгүй үед нь ажил мэргэжлийн байдлын ашиглан бэлгийн харилцаанд удаа дараа орсныг СЭМҮТ-ийн захирал асан Л.Насанцэнгэл мэддэг байсан ч хариуцлага тооцохгүйгээр сануулаад өнгөрсөн гэх мэдээлэл бий.
Харин тэрбээр энэ бүх мэдээллийг үгүйсгэж байсан юм.
СЭМҮТ-ийн эмч Л.Баттулгын гаргасан ёс зүйн алдаа үүгээр зогсохгүй. Тухайлбал, тэрбээр гэр бүлтэй ч гэсэн хамтран ажилладаг бүсгүйтэй хамтран амьдарч байсан түүхтэй. Хоёр жил гаруй хугацаанд эхнэр хүүхдүүдээсээ тусдаа амьдарч байгаад тэрбээр хамтран ажиллаж, амьдарч байсан бүсгүйгээсээ салж, эргээд эхнэр хүүхдүүддээ ирсэн түүхтэй.
Өнөөдөр ийм ёс зүйгүй эмч СЭМҮТ-д ажиллаж байгаа нь тус газраар үйлчлүүлж байгаа өвчтөнүүдийн бэлгийн чөлөөнд халдаж болзошгүй эрсдэл юм. Нөгөө талаас тухайн эмч өвчтөнүүдээ эмчлэхгүй, улам даамжруулах эрсдэл байгааг энэхүү мэдээгээ бид сэрэмжлүүлж байна.
Бэлтгэсэн А.Баярмаа
