Орон нутгийн өмчит “Тавантолгой” ХК-ийн Төлөөлөн удирдах зөвлөлийн дарга, хараат бус гишүүн, Өмнөговь аймгийн ИТХ-ын төлөөлөгч Г.Цог-Өрнөхийг хууль сахиулах байгууллагынхан өнгөрөгч амралтын өдөр саатуулсан билээ.
Түүнийг 15 настай эрэгтэй хүүхдийг садар самуунд уруу татаж, бэлгийн дур хүслээ ёс бусаар хангасан гэх хэрэгт холбогдуулан, нэг сар цагдан хорихоор болж ШШГЕГ-ын урьдчилан хорих 461 дүгээр анги руу ачсан.
Тэгвэл хүчингийн хэргээр яллагдагчаар татагдаад байгаа Г.Цог-Өрнөх нь өмнө нь гэр бүлийн хүчирхийллийн хэргээр шийтгүүлж байжээ. Тэрбээр одоогоос таван жилийн өмнө хүчирхийлэл үйлдэж, түүний гэр бүлийн хүн цагдаагийн байгууллагад гомдол гаргаснаар 30 хоног баривчлагдаж байсан байна.
Хэдийгээр Г.Цог-Өрнөх нь өндөр мэдлэг боловсролтой Өмнөговь аймгийн Ардчилсан намын лидерүүдийн нэг боловч 2008 оноос хойш УИХ-ын сонгуульд Өмнөговь аймгаас нэр дэвшсэн Ажнай гэх Д.Бат-Эрдэнийн “завинд сууж, зам нийлсэн”-ээсээ хойш олон хууль бус асуудалтай нэр холбогдох болжээ.
Тэрбээр Өмнөговь аймгийн Цогтцэций сумын засаг даргаар ажиллаж байхдаа газрын наймаа, албан тушаалын хэргүүдэд нэр холбогддог чнамын нөхдийн нөөлгөөр өнөөг хүртэл ямар нэгэн ял шийтгэл авалгүй өнгөрсөөр ирсэн түүхтэй ажээ.
